Foto: primeminister.kz
QR Premer-Ministriniń orynbasary Altai Kólginov «Astana polytechnic» joǵary kolledji alańynda Ulttyq biliktilik júiesin damytý jónindegi jobalyq keńseniń Basqarýshy komitetiniń otyrysyn ótkizdi, dep habarlaidy "Ult aqparat" primeminister.kz saityna silteme jasap.
Sharaǵa Parlament Májilisiniń depýtattary, ortalyq memlekettik organdar ókilderi, oqý oryndarynyń basshylary qatysty.
Otyrysqa qatysýshylar aldynda sóz sóilegen Altai Kólginov oqytý jáne biliktilikti arttyrý máseleleri zamanaýi ekonomika men adami kapitaldy damytý úshin ózekti ekenin atap ótti.
«Qazirgi ýaqytta eńbek naryǵynda birqatar problema bar. Birinshisi – kadr sapasynyń tómendigi. Ekinshisi – bilikti mamandardy jumysqa alǵysy keletin jumys berýshiler óz qyzmetkerleriniń kásibi deńgeiin kóterýge múddeli bolmai otyr. Úshinshisi – oqý oryndary túlekteriniń bilim deńgeiiniń tómendigi. Bul máseleler jaqyn arada el ekonomikasynyń básekege qabilettiligine áser etedi. Sondyqtan, álemdik tájiribe kórsetip otyrǵandai, jumys berýshilerdiń qatysýymen bilim berý júiesin qaita formattaý qajet», — dedi vitse-premer.
Keńes barysynda eńbek naryǵyndaǵy ahýal jáne onyń aldynda turǵan negizgi syn-tegeýrinder talqylandy: jumys oryndaryn qurý qarqynynyń tómendeýi, onyń jartysy memlekettiń ústemdigi bar, ónimdiligi tómen sektorlarǵa tiesili, eńbek naryǵy jyl saiyn 300-400 myń jasqa ósedi jáne qazirgi óńirlik teńgerimsizdikter, eresek turǵyndardyń úzdiksiz bilim alýǵa tartylýynyń tómendigi. Munyń bári jumyssyzdyq pen kedeiliktiń ósýine, kadrlardyń ketýine jáne adami kapital áleýetiniń tómendeýine ákeledi.
Eńbek naryǵy men kadrlardy daiarlaý júiesiniń ózara bailanysyn nyǵaitýǵa baǵyttalǵan Ulttyq biliktilik júiesi problemalardyń sheshimi bola alady. Memleket kadrlar tapshylyǵy boiynsha kórsetkishti anyqtaidy, jumys berýshiler ózderine qajet mamandardyń biliktilik, bilim, daǵdylar deńgeiin belgileidi.
Nátijesinde jumys berýshi tutynýshydan kadrlardy daiarlaý júiesiniń bas tapsyrys berýshisine ainalady, bilim berý uiymdary quzyrettilik ortalyqtaryna, sertifikattaý ortalyqtary azamattardyń biliktiligin baǵalaý ortalyqtaryna, al memleket eńbek naryǵy men bilim berýdiń júieli ózara is-qimylynyń úilestirýshisine ainalady.
Otyrysty qorytyndylai kele, Altai Kólginov depýtattardan «Kásiptik biliktilik týraly» zań jobasyn qoldaýdy surady, ony qabyldaý Ulttyq biliktilik júiesin damytý jónindegi normalardy zańnamalyq turǵydan bekitýge múmkindik beredi. Memlekettik organdarǵa jumys berýshilerdi tarta otyryp, kásiptik standarttar men bilim berý baǵdarlamalaryn ýaqytyly ázirleýdi jáne ózektendirýdi qamtamasyz etý, kásiptik biliktilik boiynsha zańnamany jetildirýdi pysyqtaý boiynsha tapsyrmalar berildi.
