Astanadaǵy Nova City turǵyn úi kesheninde órt shyǵyp, bes adam qutqaryldy, dep habarlaidy Qazaqstannyń IIM Tótenshe jaǵdailar jónindegi komitetiniń baspasóz qyzmeti.
Áleýmettik jelide oqiǵa ornynda túsirilgen video tarap ketti: adamdar balalardy tereze arqyly joǵarǵy qabattan, tómengi qabatqa túsirdi. Úi mańynda halyq kóp jinalǵan.
Qazaqstannyń IIM tótenshe jaǵdailar jónindegi komitetiniń baspasóz qyzmeti bergen málimetke súiensek, órt týraly habar dispetcher pýltine 2 naýryzda saǵat 14:19 kezinde túsipti.
Oqiǵa ornyna tórt negizgi jáne úsh arnaiy órt sóndirýshi kólik jiberildi. Órt aýmaǵy 15 sharshy metrdi quraǵan, balkondaǵy úi zattary janǵan eken.
"Oqiǵa ornyna 14:27-de jetken kezekshi jasaq toǵyz qabatty "Nova City" turǵyn úi kesheniniń jetinshi qabatynda páterden órt shyqqanyn anyqtady. Órt sóndirý barysynda 5 adam qutqaryldy", — dep málimet berdi vedomstvo.
Órt 14:52-de aýyzdyqtalyp, sóndirildi.
