video kadry
Astanada belgisiz áiel eki qyzdy uryp ketken, - dep habarlaidy Massaget.kz portaly.
Jábirlenýshiniń aitýynsha, oqiǵa 26 tamyzdan 27 tamyzǵa qaraǵan túni Beibitshilik kóshesiniń boiynda bolǵan. Belgisiz áiel eki qyzdyń basynan doǵal zatpen urǵan jáne bir qyzdyń qabaǵyn jyrtyp jibergen.
Qyzdyń aitýynsha, ol qurbysymen úidiń kireberisinde otyrǵan, osy kezde kórshi er adam kelip, qyzdardan telefon arqyly bireýge habarlasyp jiberýin ótingen. Qyzdar telefonyn bergen.
Keiin qyzdar balalar alańyna baryp otyrǵanda jandaryna bir er adam men eki áiel jaqyndaǵan. Áielderdiń biri qyzdardy uryp-soǵa bastaǵan. Bul kezde basqalary qarap turǵan. Jábirlenýshiniń aitýynsha, áiel kúieýin qyzǵanǵan.
Elorda politseileri bul oqiǵaǵa qatysty pikir bildirdi.
"Bul derek boiynsha Saryarqa aýdandyq politsiia bólimi ókilderi QR Qylmystyq kodeksiniń 293-baby 2-bóligi (Buzaqylyq) boiynsha sotaldy tergeýdi bastaǵanyn habarlady. Qazir tergeý amaldary júrgizilip jatyr", - delingen habarlamada.
