Astanada tórtem dúniege keldi, - dep habarlaidy "Ult aqparat" kaz.tengrinews.kz portalyna silteme jasap. Bul jaily sábilerdiń ákesi Ashat Spanov habarlady.
Eki qyz ben eki ul 2016 jyldyń 2 jeltoqsanynda dúniege keldi. Sábilerdiń ata-anasy olarǵa Arsen, Álihan, Diara jáne Adelia esimderin qoidy.
"Biz sábilerimizdiń dúniege kelýin uzaq kúttik. Ázirshe olar anasymen birge perinataldyq ortalyqta jatyr. Jaǵdailary jaqsy. Biraq biraz ýaqyt aýrýhanada bolady. Olar onda dárýmen qabyldap, dárigerlerdiń baqylaýynda jatyr. Dárigerler olarǵa jaqsy qarap jatyr", - dedi tórtemniń ákesi Ashat Spanov.
Sondai-aq, 38 jastaǵy er adam sábilerin eki ret kórip úlgergenin aitty. "Shynymdy aitsam, perinataldyq ortalyqta barlyǵy zalalsyzdandyrylǵan. Sondyqtan da men olardy úide kúteiin, kúsh jinap kelsin", - dedi sábilerdiń ákesi.
Aita keteiik, otaǵasy - Qaraǵandy qalasynyń týmasy, shekara qyzmetinde jumys isteidi. Al áieli Saltanat jeke kompaniiada jumys isteidi. Astanaǵa osydan bes jyl buryn kelgen eken.
