Foto: Gov.kz
Astanadaǵy №109 mektepte jazǵy lager aiasynda erekshe shara ótti. Mektepke oqýshylarmen tildesetin, olardyń qozǵalysyn seze alatyn aqyldy robot «Temirbek» keldi, dep habarlady elorda ákimdiginiń resmi saity.
«Temirbek» – zamanaýi jasandy intellekt elementterimen jabdyqtalǵan robot. Ol sóileý, suraqqa jaýap berý, adamdy qashyqtan sezý sekildi múmkindikterge ie. Robot STEM baǵyty boiynsha ótip jatqan úiirmege qatysyp, oqýshylarmen erkin bailanys ornatty.
Mektep direktory Janar Ermuhambetova bul kezdesýdiń maqsatyn bylaisha túsindirdi:
«Basty maqsat – oqýshylardy bolashaq tehnologiialaryna qyzyqtyrý, osyndai qurylǵylardy óz qolymen jasaýǵa yntalandyrý. Mundai kezdesýler balalardyń shyǵarmashylyq qabiletin damytyp, jańa ideialarǵa shabyt beredi», – dedi mektep direktory.
Al №74 mektep-gimnaziiasynyń informatika páni muǵalimi Aidana Aitjanova robottyń ereksheligine toqtaldy:
«Temirbek» – mektebimizdiń 7 jáne 11-synyp oqýshylary tórt aida jasap shyǵarǵan jobasy. Qazir ol ashyq sabaqtar men is-sharalarda gid retinde belsendi qatysyp júr. Bolashaqta ony tolyq qozǵala alatyn, tapsyrma oryndai alatyn deńgeige jetkizý josparlanyp otyr», – dep atap ótti.
