فوتو: Gov.kz
استاناداعى №109 مەكتەپتە جازعى لاگەر اياسىندا ەرەكشە شارا ٶتتٸ. مەكتەپكە وقۋشىلارمەن تٸلدەسەتٸن, ولاردىڭ قوزعالىسىن سەزە الاتىن اقىلدى روبوت «تەمٸربەك» كەلدٸ, دەپ حابارلادى ەلوردا ەكٸمدٸگٸنٸڭ رەسمي سايتى.
«تەمٸربەك» – زاماناۋي جاساندى ينتەللەكت ەلەمەنتتەرٸمەن جابدىقتالعان روبوت. ول سٶيلەۋ, سۇراققا جاۋاپ بەرۋ, ادامدى قاشىقتان سەزۋ سەكٸلدٸ مٷمكٸندٸكتەرگە يە. روبوت STEM باعىتى بويىنشا ٶتٸپ جاتقان ٷيٸرمەگە قاتىسىپ, وقۋشىلارمەن ەركٸن بايلانىس ورناتتى.
مەكتەپ ديرەكتورى جانار ەرمۇحامبەتوۆا بۇل كەزدەسۋدٸڭ ماقساتىن بىلايشا تٷسٸندٸردٸ:
«باستى ماقسات – وقۋشىلاردى بولاشاق تەحنولوگييالارىنا قىزىقتىرۋ, وسىنداي قۇرىلعىلاردى ٶز قولىمەن جاساۋعا ىنتالاندىرۋ. مۇنداي كەزدەسۋلەر بالالاردىڭ شىعارماشىلىق قابٸلەتٸن دامىتىپ, جاڭا يدەيالارعا شابىت بەرەدٸ», – دەدٸ مەكتەپ ديرەكتورى.
ال №74 مەكتەپ-گيمنازيياسىنىڭ ينفورماتيكا پەنٸ مۇعالٸمٸ ايدانا ايتجانوۆا روبوتتىڭ ەرەكشەلٸگٸنە توقتالدى:
«تەمٸربەك» – مەكتەبٸمٸزدٸڭ 7 جەنە 11-سىنىپ وقۋشىلارى تٶرت ايدا جاساپ شىعارعان جوباسى. قازٸر ول اشىق ساباقتار مەن ٸس-شارالاردا گيد رەتٸندە بەلسەندٸ قاتىسىپ جٷر. بولاشاقتا ونى تولىق قوزعالا الاتىن, تاپسىرما ورىنداي الاتىن دەڭگەيگە جەتكٸزۋ جوسپارلانىپ وتىر», – دەپ اتاپ ٶتتٸ.
