Astanada maska shyǵaratyn taǵy bir kásiporyn ashyldy, dep habarlaidy "Ult aqparat".
Bul jóninde Aidar Mahambet atty qoldanýshy Facebook paraqshasynda jazdy.
«Myna indetke qarsy kúresý úshin bizdiń dostarymyz elordamyzda jańa maska zaýytyn iske qosqaly tur. Áli sertifikattaryn alý kerek, odan keiin zaýyttyń ónimin satyp alýǵa bolady. Atap aitqanda «Bolashaq 2019» JShS táýligine 45 myń betperde shyǵarady» dep jazady Aidar Mahambet.
Eske sala keteiik, 30 maýsymdaǵy jaǵdai boiynsha, elimizde táýligine 772 myń betperde óndiriledi. Onyń ishinde farmatsevtikalyq kásiporyndar - 567 myń, tigin kásiporyndary - 204 myń dana tigedi. Qoimalarda 4 mln astam betperde bar. Tiisti aqparat «SQ-Farmatsiia» JShS-ne berilip turady. Óz kezeginde QR Densaýlyq saqtaý ministrligi óndirilgen ónimdi el óńirlerine bóledi.
Búginde dáke jáne bózden tigilgen betperdeler atqarýshy organdarmen jasalǵan shart negizinde jetkiziledi.
Qazirgi kezde betperde óndirisi QR Indýstriia jáne infraqurylymdyq damý ministrliginiń qatań baqylaýyna alyndy. Qosymsha óndiristi iske qosý jáne óndiristi keńeitý nátijesinde betperdeler óndirisiniń kólemi táýligine 1 mln danaǵa jetti.
