6 qazannan búginge deiin «Ramada Plaza» qonaq úiindegi karantin statsionary 64 reisten áýe jolaýshylaryn qabyldady. Bul týraly qalalyq densaýlyq saqtaý basqarmasynyń basshysy Timýr Mýratov málimdedi.
PTR synaǵynan ótkeni týraly anyqtamasy joq Qazaqstan Respýblikasynyń 1 437 azamaty karantin statsionaryna jatqyzyldy. Onyń ishinde 2 jolaýshy koronavirýstyń simptomsyz tasymaldaýshysy bolyp shyqty jáne meditsina qyzmetkerleriniń baqylaýymen úi jaǵdaiyndaǵy karantinge oqshaýlandy.
«Kún saiyn karantin statsionarynyń mamandary 150-den astam qajetti anyqtamasy joq jolaýshyny qabyldaidy. Koronavirýs infektsiiasy taralmas úshin aýqymdy jumys júrgizilýde. Koronavirýstyń alǵashqy tolqyny kezindegi ahýal qaitalanýyn eshqaisymyz qalamaimyz, sondyqtan áriptesterimizdiń utqyrlyǵy men kásibiligi bul jerde úlken ról atqarady», - dedi basqarma basshysy Timýr Mýratov.
16 qazanda 5 halyqaralyq reis qabyldandy: Germaniiadan - 1, Egipetten - 1, Túrkiiadan - ekeý, Belarýsten - 1 reis. Onyń ishinde COVID-19 synaǵyn PTR ádisimen tapsyrǵany týraly anyqtamamen - 453, anyqtamasyz -120.
120 jolaýshynyń barlyǵy karantin statsionaryna («Ramada Plaza» qonaq úiinde) oqshaýlanyp, PTR testileýi ótkizildi.
