Astanada shahmattan komandalyq álem chempionatynyń toǵyzynshy ári sheshýshi týry aiaqtaldy, dep habarlaidy "Ult aqparat".
Komandalyq shahmattan Qazaqstan qyzdar quramasy besinshi orynnan kórinip otyr. Jalpy, atalmysh dodaǵa álemniń úzdik on eliniń qyzdar quramasy ózara baq synasqan bolatyn. Qazaqstan qyzdar quramasy atynan el namysyn Jansaia Ábdimálik, Dinara Sádýaqasova, Bibisara Asaýbaeva, Gúlishan Nahbaeva jáne Gúlmira Daýletova qorǵady.
On komandanyń arasyndaǵy tartysty saiysta komandalardyń reitingi tómendegidei (qyzdar quramasy):
1 oryn - Qytai
2 oryn - Resei
3 oryn - Grýziia
4 oryn - Ýkraina
5 oryn - Qazaqstan
6 oryn - Úndistan
7 oryn - AQSh
8 oryn - Armeniia
9 oryn - Majarstan
10 oryn - Mysyr.
Al erler quramasynan el namysyn Rinat Jumabaev, Ánýar Esmaǵambetov, Murtas Qajgaleev, Denis Mahnev jáne Petr Kostenko qorǵaǵan edi. Erler arasyndaǵy komandalyq chempionatta Qazaqstan quramasy segizinshi oryndy mise tutty. Erler komandasy arasyndaǵy reiting tómendegidei:
1 oryn - Resei
2 oryn - Ulybritaniia
3 oryn - Qytai
4 oryn - Úndistan
5 oryn - AQSh
6 oryn - Iran
7 oryn - Ázerbaijan
8 oryn - Qazaqstan
9 oryn - Shvetsiia.
Eske sala ketsek, Astanada shahmattan komandalyq álem chempionaty 4 naýryzda bastalǵan bolatyn.
