Foto: Shutterstock
QMA astanalyq departamenti "Semeinyi kapital" qarjy piramidasyn quryp, ony basqarǵan azamattyń zańsyz áreketin áshkereledi, - dep habarlaidy "Ult aqparat" Qarjylyq monitoring agenttigine silteme jasap.
Ol turǵyn úi satyp alý boiynsha jalǵan baǵdarlama jasap, klienttermen kelisimshart jasasqan.
"Onyń sharty boiynsha 300 myń teńgeden 5 million teńgege deiingi investitsiia, 30-dan 60 paiyzǵa deiin artyq tólemmen turǵyn úidi alýdyń kútý merzimi 6 aidan 10 aiǵa deiin kórsetilgen. Sonyń saldarynan azamattar ýáde etken páterlerin almaǵan, salǵan qarjysy qaitarylmaǵan. Osylaisha, ol jalpy somasy 450 million teńgege jýyq materialdyq shyǵyn keltirgen", - delingen habarlamada.
Ol qamaýǵa alynyp, ýaqytsha ustaý abaqtysyna qamalǵan. QR QPK-nyń 201-babyna sáikes ózge aqparat jariialanbaidy.
"QMA azamattardy qyraǵy bolýǵa jáne jinaqtaryn kúmándi qarjy institýttaryna salmaýǵa shaqyrady.
Eger siz jáne sizdiń týystaryńyz josyqsyz kásipkerlerdiń osyndai áreketterine tap bolsańyz, turǵylyqty jerińiz boiynsha ETD nemese kórsetilgen telefondar boiynsha habarlasyńyz: 1458, 8 (7172) 70 84 79 (ishki 21384).
QR Konstitýtsiiasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árkim kinásiz dep esepteledi", - deidi QMA baspasóz qyzmeti ókilderi.
