Foto: © RIA Novosti / Kirill Braga
Astanada segiz qurylys kompaniiasy litsenziiasynan aiyryldy, - dep habarlaidy "Ult aqparat" qala ákimdiginiń resmi saityna silteme jasap.
«2023 jyly júrgizilgen jospardan tys tekserýler aiasynda «Astana qalasynyń Qalalyq orta sapasy jáne baqylaý basqarmasy» 288 buzýshylyqty anyqtap, jol berilgen buzýshylyqtardy joiýǵa 247 nusqama berdi.
Sapasyz qurylys salǵany jáne qurylys-montajdaý jumysyn júrgizgeni úshin 46 uiym, al tiisinshe baqylamaǵany úshin 7 tehnikalyq qadaǵalaý uiymy jáne 6 ai merzimmen attestatty toqtatý nemese aiyrýmen 22 tehnikalyq qadaǵalaý sarapshysy jaýapqa tartyldy», - delingen habarlamada.
Astana qalasynyń ákimshilik quqyq buzýshylyq jónindegi mamandandyrylǵan aýdanaralyq sotynyń qaýlysymen ÁQBtK 312-babynyń 2-bóligi, 313-babynyń 1-bóligi boiynsha sapasyz qurylys-montajdaý jumysyn oryndaǵany jáne memlekettik normativterdi buza otyryp jobalyq qujattamany qabyldamaǵany úshin segiz kompaniia qurylys litsenziiasynan aiyryldy:
1. «NAK development» JShS;
2. «BazisDoStroi» JShS;
3. «KSMK-AF» JShS;
4. «DBK-Engineering» JShS;
5. «Propilon» JShS;
6. «ANA Astana» JShS;
7. «PPK» jobalaý-qurylys kompaniiasy» JShS;
8. «X-clusive Qurylyus Group» JShS.
