Astanada kórnekti kompozitor Shámshi Qaldaiaqovtyń shyǵarmashylyǵyna arnalǵan erekshe mýzykalyq performans ótti. Kompozitordyń týǵan kúnine orai Astana qalasy ákimdiginiń Mýzykalyq jas kórermender teatrynyń ártisteri kópshilikke keńinen tanymal ánderin qala keńistiginde oryndap, kórermenge tartý etti, dep habarlaidy ult.kz elorda ákimdiginiń resmi saityna silteme jasap.
Performans barysynda jas ónerpazdar kompozitordyń «Arys jaǵasynda», «Saǵynyshym meniń», «Baqyt qushaǵynda», «Ana týraly jyr», «Qushaq jaiǵan qandai adam», «Jan qurbym» jáne «Qaiyqta» syndy tanymal shyǵarmalaryn oryndady.
Mýzykalyq qoiylymnyń ereksheligi – onyń qala keńistiginde uiymdastyrylýynda.
Ónerpazdar Shámshi Qaldaiaqovtyń shyǵarmalary oryndalatyn pianino installiatsiiasynyń janyna jaiǵasyp, óner kórsetti.
Osylaisha, ádettegi sahnalyq qoiylymnan tys formatta uiymdastyrylǵan performans mýzyka men elorda turǵyndaryn jáne qonaqtaryn bir arnaǵa toǵystyrdy.
Bul jas ónerpazdarǵa Shámshi Qaldaiaqovtyń shyǵarmashylyǵyn búgingi kórermenge jańasha tanytyp, kompozitordyń mol murasyn zamanaýi formatta jetkizýge múmkindik berdi.
«Shámshiniń ánderi urpaqty uiystyrady. Onyń ánderin ár jastaǵy adam biledi, súiip tyńdaidy. Biz úshin bul shyǵarmalardyń sahnadan ǵana emes, qala keńistiginde de shyrqalyp, Astananyń kúndelikti tynys-tirshiliginiń bir bólshegine ainalýy mańyzdy», – dedi Mýzykalyq jas kórermender teatrynyń direktory Ashat Maemirov.
Sonymen qatar elordadaǵy mýzykalyq qoiylymdar birneshe alańda – «Báiterek» monýmenti mańynda jáne Arbatta uiymdastyryldy.
