Astanada salynyp jatqan Salman City turǵyn úi kesheniniń qurylys alańynda qaiǵyly oqiǵa boldy. Qurylys krany qulap, ony basqarǵan operator kóz jumdy, dep habarlaidy ult.kz.
Oqiǵa 27 tamyzda saǵat 16:30 shamasynda Qazybek bi kóshesi, 41/1 mekenjaiynda bolǵan.
Astana qalalyq Tótenshe jaǵdailar departamentiniń málimetinshe, qurylys jumystary kezinde kran qulaǵan. Sonyń saldarynan operator aýyr jaraqat alǵan.
Oqiǵa ornyna politsiia qyzmetkerleri men jedel járdem brigadasy kelgen. Dárigerler er adamnyń alǵan jaraqattary ómirge sáikes kelmegenin aityp, onyń qaitys bolǵanyn anyqtaǵan.
Qazir oqiǵaǵa qatysty tekserý júrgizilip, krannyń qulaý sebepteri men jaǵdaidyń mán-jaiy anyqtalyp jatyr.
