استانادا سالىنىپ جاتقان Salman City تۇرعىن ٷي كەشەنٸنٸڭ قۇرىلىس الاڭىندا قايعىلى وقيعا بولدى. قۇرىلىس كرانى قۇلاپ, ونى باسقارعان وپەراتور كٶز جۇمدى, دەپ حابارلايدى ult.kz.
وقيعا 27 تامىزدا ساعات 16:30 شاماسىندا قازىبەك بي كٶشەسٸ, 41/1 مەكەنجايىندا بولعان.
استانا قالالىق تٶتەنشە جاعدايلار دەپارتامەنتٸنٸڭ مەلٸمەتٸنشە, قۇرىلىس جۇمىستارى كەزٸندە كران قۇلاعان. سونىڭ سالدارىنان وپەراتور اۋىر جاراقات العان.
وقيعا ورنىنا پوليتسييا قىزمەتكەرلەرٸ مەن جەدەل جەردەم بريگاداسى كەلگەن. دەرٸگەرلەر ەر ادامنىڭ العان جاراقاتتارى ٶمٸرگە سەيكەس كەلمەگەنٸن ايتىپ, ونىڭ قايتىس بولعانىن انىقتاعان.
قازٸر وقيعاعا قاتىستى تەكسەرۋ جٷرگٸزٸلٸپ, كراننىڭ قۇلاۋ سەبەپتەرٸ مەن جاعدايدىڭ مەن-جايى انىقتالىپ جاتىر.
