Foto: Egemen.kz
Astanada QR Premer-ministriniń orynbasary – Mádeniet jáne aqparat ministri Aida Balaeva Memleket basshysy Qasym-Jomart Toqaevtyń atynan mýzykalyq bilim berý salasynda eńbek etip júrgen birqatar azamatqa memlekettik nagradalar tabystady, dep habarlaidy Ult.kz.
Marapattaý rásiminde Aida Balaeva árbir mamannyń adal eńbegi el damýyna qosylǵan mańyzdy úles ekenin atap ótti.
«Memleket basshysy árdaiym eńbek adamyna erekshe kóńil bóledi. Búgingi jetistikterińiz ben tabystaryńyz – sonyń aiqyn dáleli. Prezident eńbek adamdaryn yntalandyrý jáne marapattaý bastamasyn únemi qoldaidy. Óitkeni adal eńbek árqashan laiyqty baǵalanýǵa tiis. Sizder elimizdiń damýyna úlken úles qosyp kelesizder. Keide onyń qanshalyqty mańyzdy ekenin ózderińiz de baiqamai, kún saiyn adal ári jaýapty eńbek etip júrsizder. Bul jumysty shyn nietpen, bar yqylastaryńyzben atqaryp kele jatqandaryńyzdy jaqsy bilemin. Eńbekterińiz árdaiym laiyqty baǵalanyp, syi-qurmetke bólene berińizder», – dedi Premer-ministrdiń orynbasary.
Elimizdiń áleýmettik-mádeni damýyna, sondai-aq ulttyq qundylyqtardy dáripteýge jáne kúi ónerin keńinen nasihattaýǵa baǵyttalǵan respýblikalyq «Kúi kúmbiri» aktsiiasyn ótkizýge qosqan eleýli úlesi úshin Qazaqstan Respýblikasy Prezidentiniń Jarlyǵymen:
«Qurmet» ordenimen – qoiýshy rejisser Qarlyǵash Ajieva;
«Eren eńbegi úshin» medalimen – E. Rahmadiev atyndaǵy Memlekettik akademiialyq filarmoniianyń «Qorqyt» dástúrli mýzykalyq tobynyń kórkemdik jetekshisi Sholpan Qorǵanbek marapattaldy.
Prezidenttiń «Alǵys» gramotasymen:
- – №1 balalar mýzyka mektebi direktorynyń tárbie isi jónindegi orynbasary, dástúrli óner pánderiniń pedagogi Janar Oralbaeva;
- – R. Baǵlanova atyndaǵy №2 balalar mýzyka mektebi direktorynyń mindetin atqarýshy Gúlnur Qamzina;
- – №3 balalar mýzyka mektebi direktorynyń tárbie isi jónindegi orynbasary Ainur Baimahanova;
- – Astana qalasy ákimdigine qarasty №2 kórkemsýret mektebi direktorynyń tárbie isi jónindegi orynbasary Gúlshat Jumabaeva marapattaldy.
