Foto: QR Energetika ministrligi
Qazaqstan Respýblikasy Energetika ministrligi Power Central Asia + China atty alǵashqy óńirlik energetikalyq forýmynyń qorytyndysyn jariialady. Atalǵan forým energetika jáne indýstriia salalaryndaǵy birlesken jobalardy iske qosý, tájiribe almasý jáne dialog qurý úshin mańyzdy halyqaralyq alańǵa ainaldy, dep habarlaidy Ult.kz.
Forým barysynda birneshe kún ishinde qatysýshylar energetikalyq transformatsiianyń negizgi syn-tegeýrinderi men múmkindikterin talqylap, Qazaqstan men Ortalyq Aziia elderi úshin strategiialyq mańyzǵa ie birqatar kelisimder men ýaǵdalastyqtarǵa qol jetkizdi.
Forým Qazaqstannyń energetikalyq sektoryndaǵy qazirgi zamanǵy úrdister men umtylystardy beineleitin 10 basym baǵytty qamtydy. Atap aitqanda, kelesi máseleler kóterildi:
- - jańartylatyn energiia kózderin (JEK) energetikalyq júiege integratsiialaý, júktemelerdi tsifrlyq basqarý jáne jelilerdiń turaqtylyǵyn arttyrý;
- - gidroakkýmýlirleýshi stantsiialar men energiia saqtaý júielerin damytý;
- - HVDC tehnologiialaryn qoldaný jáne shekaraaralyq elektr energiiasyn tasymaldaýdy jetildirý;
- - tsifrlyq energetikalyq júielerdi, jasandy intellekt, Smart Grid jáne kiberqaýipsizdik elementterin engizý;
- - Qazaqstanda óndiristerdi indýstriialandyrý jáne jergiliktendirý;
- - ádiletti energetikalyq kóshý, dekarbonizatsiia jáne ESG-strategiialaryn ilgeriletý;
- - investitsiialyq preferentsiialar men qarjylandyrý modelderi: MJÁ-den bastap «jasyl» qorlar men eksporttyq agenttikterdiń qoldaýyna deiin;
- - sýtekti energetikany jáne tómenkómirtekti tehnologiialardy, sonyń ishinde kómirqyshqyl gazyn ustaý, paidalaný jáne saqtaý (CCUS) men kómirhimiiany damytý;
- - ǵylymi yntymaqtastyq, tehnologiialar transferi jáne kadr daiarlaý;
- - munai-gaz himiiasy jobalarynda innovatsiialardy engizý.
«Power Central Asia + China forýmy Qazaqstannyń investitsiialar úshin tartymdy núkte ǵana emes, sonymen qatar ozyq tehnologiialar men bilimderdiń integratory ekenin kórsetti. Biz turaqtylyq, qaýipsizdik jáne innovatsiialar arasyndaǵy tepe-teńdikke negizdelgen energetikalyq saiasatty qalyptastyryp jatyrmyz. Qol qoiylǵan kelisimder men qol jetkizilgen ýaǵdalastyqtar Qazaqstan men búkil Ortalyq Aziia óńiriniń energetikalyq egemendigin jáne indýstriialyq áleýetin nyǵaitý jolyndaǵy naqty qadam», — dedi QR Energetika vitse-ministri Baqytjan Iliias.
Forýmǵa 30-dan astam eldiń ókilderi, jetekshi halyqaralyq sarapshylar, ǵylymi qaýymdastyq, iskerlik orta, beiindi JOO stýdentteri men buqaralyq aqparat quraldary qatysty. Qazaqstan tarapynan naqty jobalar, tehnologiialyq bastamalar men investorlar men seriktesterge ashyq úlgiler usynyldy.
Ministrlik forýmnyń bas seriktesteri — China Southern Power Grid, POWERCHINA, Energy China jáne Infraqurylymdyq jáne innovatsiialyq damýǵa járdemdesý qaýymdastyǵyna alǵysyn bildiredi.
Forýmnyń salalyq jáne institýtsionaldyq seriktesteri: Samuryq-Energo, QazMunaiGaz, KEGOC, QazaqGaz, Kazakh Invest, Huawei, KPMG, LONGi, Sinopec, China Datang, Asian Development Bank, Abu Dhabi Commercial Bank, PASHA Holding, Ónerkásipti damytý qory, QazIndustry, ForteBank, Bank CenterCredit, Halyk Bank, Baiterek Venture Fund, Arthur Consulting, Cranmore Partners, NC Consulting, Unicase Central Asia.
Power Central Asia + China forýmy jyl saiyn ótetin alańǵa ainalyp, birlesken óndiristerdi damytýǵa, tehnologiialar transferine, ǵylymi yntymaqtastyqqa jáne jańa býyn mamandaryn daiarlaýǵa yqpal etetin bolady.
Energetika ministrligi Ortalyq Aziia elderiniń energetikalyq turaqtylyǵy men tehnologiialyq progresin nyǵaitýǵa qosqan úlesteri men senimi úshin barlyq seriktesterge alǵysyn bildiredi.
