Foto: Depositphotos.com
Astanadaǵy №36 mektepte oqýshy qyzdar arasyndaǵy tóbeleske bailanysty qylmystyq is qozǵaldy. Oqiǵa videosy áleýmettik jelide taralyp, qoǵamda rezonans týdyrdy, dep habarlaidy Ult.kz.
Politsiia dereginshe, is 109-1-bap («Uryp-soǵý») boiynsha tirkelip, barlyq qatysýshylar anyqtalǵan. Tergeý amaldary júrgizilýde.
Jasóspirimder «qorǵalýǵa quqyǵy bar kýáger» retinde qaralýda. Sonymen qatar olardyń ata-analary bala tárbiesindegi mindetterin oryndamaǵany úshin ákimshilik jaýapkershilikke tartylǵan.
Quzyrly organdar oqýshylardy deviantty minez-qulyqty balalarǵa arnalǵan arnaiy bilim berý uiymyna jiberý múmkindigin qarastyryp jatyr.
