Nur-Sultan qalasynda miting ótetin qoǵamdyq oryndarǵa beinebaqylaý kamerasy qoiyldy. Bul týraly Nur-Sultan qalasynyń tsifrlandyrý jáne memlekettik qyzmet basqarmasynyń basshysy Botagóz Qasabek aitty, dep habarlaidy QazAqparat.
«Ótken jyly kúsh qurylymdarynyń shuǵyl tapsyrysyna sáikes, qala aýmaǵynda iri mitingter ótetin qoǵamdyq oryndarǵa 500 beinebaqylaý kamerasy qoiyldy. Qala boiynsha beinebaqylaý kamerasyn ornatý jumysy odan ári jalǵasady. Qazir Almaty jáne Baiqońyr aýdandary boiynsha qai jerlerge kamera ornatý kerektigi anyqtaldy. Saryarqa aýdanyna kelsek, búginde tehnikalyq tekserý júrip jatyr. Sodan soń Esil aýdanyna kirisemiz», - dedi Botagóz Qasabek qalalyq máslihattyń otyrysynda.
Onyń aitýynsha, beinebaqylaý kameralaryn ornatý jumysy aýdandyq ákimdikter jáne politsiia departamentimen keńesip júrgiziledi.
«Taǵy bir ózgeris - buǵan deiin qala kartasynda qai jerde beinebaqylaý kamerasynyń ornatylǵany kórsetiletin. Endigi ýaqytta beinebaqylaý kamerasy bar degen belgini kartada kórsetýge tyiym salyndy. Bul lańkestikke qarsy áreketterdiń aldyn alý maqsatynda engizilip otyr», - deidi ol.
