Kórneki sýret: gov.kz
18 qańtarda Astana qalasynyń mańaiynda parashiýtpen josparly sekirý boiynsha oqý-jaýyngerlik tapsyrmalaryn oryndaý barysynda merzimdi qyzmettegi sarbaz qaza tapty, - dep habarlaidy "Ult aqparat" Qorǵanys ministrligine silteme jasap.
Ministrlik málimetinshe, oqiǵanyń sebepteri men mán-jaiy anyqtalý ústinde. Qazirgi kezde tekseris júrgizilip jatyr.
"Áskeri qyzmet adam ómirine ár ýaqytta qaýip pen qaterge toly. Komandirler úshin óz jaýyngerin joǵaltý - aýyr qaza.
Áskeri qyzmetshi 2022 jydyń kókteminde Qaraǵandy qalasynan ásker qataryna shaqyrylǵan. Komandirleri men qyzmettesteri arasynda úlken bedelge ie bolǵan edi. Baýyrmashyl, qyzmette únemi jaqsy jaǵynan kórinetin. Boryshyn óteýge kelgeli beri áskeri isti úirenýge erekshe ynta tanytyp júretin. Óz ata-anasynyń aibyndy uly, naǵyz patriot jáne qyzmettesteri arasynda úlgili azamat bolatyn.
Qarýly Kúshterdiń basshylyǵy men jeke quramy sarbazdyń otbasy men jaqyndaryna orny tolmas qazasyna ortaqtasyp, qaiǵyra kóńil aitady" - delingen vedomstvo habarlamasynda.
Qorǵanys ministrliginiń tarapynan áskeri qyzmetshiniń otbasyna kómek kórsetý boiynsha barlyq qajetti shara qabyldanbaq.
