Koronavirýs infektsiiasyn taratpaý jónindegi qalalyq jedel shtabta 16-18 jeltoqsan aralyǵynda mereke kúnderi saýda ortalyqtarynyń, saýda úileriniń, bazarlardyń jumysy týraly másele qaraldy.
Joǵaryda atalǵan nysandar mereke kúnderi qalalyq sanitarlyq dáriger Janna Pirálievanyń qoldanystaǵy qaýlysyna sáikes ádettegidei, iaǵni saǵat 23: 00-ge deiin jumys isteidi.
19 jeltoqsan, senbi kúni jumys ýaqyty - 20: 00-ge deiin. 20 jeltoqsan - jeksenbi - iri saýda ortalyqtaryndaǵy býtikter jumysy toqtatylady.
Onda dezinfektsiialyq sharalar júrgiziledi.
Iri saýda jáne oiyn-saýyq ortalyqtarynda ornalasqan dárihanalar, gipermarketter, azyq-túlik dúkenderi klientterge jeksenbide qyzmet kórsete alady.
Sonymen birge osy nysandarda jáne olardyń aýmaǵynda ornalasqan attraktsiondardy, balalar oiyn alańdaryn, oiyn ortalyqtaryn, kinoteatrlardy, tamaqtaný alańdaryn paidalanýǵa qatań tyiym salynady.
«Nur-Sultan qyzyl aimaqta, biraq onyń sharyqtaý sheginde emes. Sońǵy kúnderi dinamika turaqtalyp, jaqsaryp keledi. Qala sary jáne qyzyl aimaqtardyń arasynda. Burynǵy (qaýly boiynsha) jumys kestesi ózgerissiz qalady. Biz elorda turǵyndary men qonaqtaryn demalys kezinde dúrligis týdyrmaýǵa shaqyramyz. Jaǵdaidy odan ári turaqtandyrý úshin biz azamattardan qabyldanǵan sharalarǵa túsinistikpen qaraýdy, asa qajettiliksiz úiden shyqpaýdy suraimyz», - dedi qalanyń bas sanitar dárigeri Janna Pirálieva.
Aita keteiik, 16-20 jeltoqsan aralyǵynda qoǵamdyq kólik túngi 23:00-ge deiin júredi.
