Foto ©️ Tengrinews.kz / Turar Qazanǵapov
Mektep esepshileri biýdjet qarajatyn jymqyrǵany úshin sottaldy, - dep habarlaidy «Ult aqparat» Astana prokýratýrasyna silteme jasap.
Elorda prokýratýrasy tekserý qorytyndysy boiynsha mektepterdiń birinde biýdjet qarajatyn jymqyrý derekterin anyqtady.
"7 jyl boiy joq mektep qyzmetkerlerine jalaqy men syiaqylar zańsyz aýdarylǵan. Memleketke keltirilgen shyǵynnyń jalpy somasy 130 million teńgeden astam. Tergeý barysynda mektep qyzmetkerleri óz kinálaryn tolyq moiyndady. Sot úkimi boiynsha, kináliler 7 jylǵa bas bostandyǵynan aiyrý jazasyna sottaldy", - delingen habarlamada.
Memleket paidasyna keltirilgen materialdyq shyǵyn sottalǵandardan óndirilgeni aityldy. Úkim zańdy kúshine endi.
