Foto: ashyq derekkóz
Elordadaǵy Uldana Myrzýan oqyǵan meditsinalyq kolledjdegi dárishanaǵa onyń esimin berý josparlanyp otyr. Bul týraly Densaýlyq saqtaý ministri Aqmaral Álnazarova aitty, dep habarlaidy Ult.kz.
Ministrdiń aitýynsha, vedomstvo tergeý jaily turaqty aqparat alyp otyr. Alaida túpkilikti qorytyndy tergeý tolyq aiaqtalǵan soń jasalady.
"Maǵan aqparat turaqty jetkizilip otyr. Tergeý júrip jatyr. Bul jerde, negizinen, qurylys normalary men erejelerine qatysty suraq kóp. Menińshe olar kezinde buzylǵan bolýy múmkin", – dedi Álnazarova.
Ministrdiń aitýynsha, qaiǵyly jaǵdaiǵa konditsioner jabdyǵyn ornatý talaptarynyń saqtalmaýy sebep bolýy múmkin. Qazir tergeýshiler naqty laýazymdy tulǵalardyń jáne uiymdardyń jaýapkershiligin anyqtap jatyr.
Sonymen qatar ministr Uldana Myrzýannyń esimin este qaldyrýǵa baǵyttalǵan sharalar ázirlenip jatqanyn aitty.
"Jedel járdem stantsiiasynyń basshylyǵy arqyly ol oqyǵan meditsina kolledjinde onyń qurmetine arnalǵan aýditoriia ashýdy josparlap otyrmyz. Bul biz úshin aýyr ári qaiǵyly jaǵdai. Uldana Myrzýan meditsina qyzmetkerlerin birlikke shaqyrdy. Onyń qabiriniń basyna eskertkish ornatqymyz keledi", – dedi ministr.
Eske salsaq, 8 qarashada elordada turǵyn úi qaptamasy men konditsionerler opyrylyp túsip, 5 adam zardap shekken edi. Al 18 qarasha kúni feldsher Uldana Myrzýan kóz jumdy.
