Q.Qýanyshbaev atyndaǵy memlekettik akademiialyq qazaq mýzykalyq drama teatry 27-28 aqpan kúnderi kórermen nazaryna ázerbaijan aqyny, oishyl Gánjaýi Nizamidiń «Láili-Májnún» poemasynyń premerasyn usynady, dep habarlaidy "Ult aqparat" "Elorda Info"-ǵa silteme jasap.
Spektakldiń rejisseri - Tájikstannan arnaiy shaqyrtylǵan tanymal dramatýrg, rejisser, teatr jáne kino akteri - Barzý Abdrazzakov. Onyń sahnalyq qoiylymdary halyqaralyq teatr festivalderinde talai márte biik tuǵyrdan kóringen. Spektakldiń qoiýshy sýretshisi - Qanat Maqsutov.
Shyǵysta asa tanymal bolǵan Nizamidiń «Láili-Májnún» dastany arabtyń ýzra taipasynyń ańyzdarynyń negizinde týǵan uly mahabbat taqyrybyn jyrlaidy.
«Keibir ǵalymdar «Láili - Májnún» jyryn sopylyq poeziia úlgisinde jazylǵan, simvoldyq máni tereń jyr dep tanidy. «Májnún» sózi «esinen adasý» degen maǵyna beredi», - deidi zertteýshiler.
Nizamidiń «Láili-Májnún» atty álemge áigili poemasynyń negizinde alǵash ret Qalleki teatrynda sahnalanatyn spektaklde búginde kórermenniń ystyq yqylasyna bólenip júrgen teatr ártisteri - Dárýish rólinde - E.Nurymbet, Láili - I.Ábenova, A.Serkebaeva, Májnún - O.Jaqypbek, ibn-Salam - J.Ospanov, Májnúnniń ákesi QR eńbek sińirgen artisi Q.Qystyqbaev, Májnúnniń anasy - QR Memlekettik syilyqtyń laýreaty A.Nógerbek, Láiliniń anasy - B.Maqsutova, Z.Qarina, Láiliniń ákesi - M.Qaisanov, sondai-aq, spektaklde N.Esen, A.Jetpisbaeva, E.Aitmuqashev, E.Janpeiisov siiaqty jas ártister oinaidy.
