Foto: Astana TJD baspasóz qyzmeti
Elordalyq órt sóndirýshiler Kristall turǵyn úi keshenindegi órtti joidy, dep habarlaidy "Ult aqparat" Astana qalasy Tótenshe jaǵdailar departamentine silteme jasap.
"Kristall" TÚK parkinginde shamamen 100 sh.m. alańda alty avtomobil jáne qoima úi-jailary órtendi. Órt kezindegi qyzýdyń áserinen taǵy 4 kólik zaqymdanǵan. Órt saǵat 14-33-te oqshaýlandy, elordalyq órt sóndirýshilerdiń kúshimen barlyǵy 17 adam evakýatsiialandy, onyń ishinde 6 bala.
Órt ornynan №1 KQA-ǵa "103" brigadasy 1969 jyly týǵan áieldi ákelgen jáne ol "ortasha aýyrlyqtaǵy kómirtegi totyǵymen ýlaný" diagnozymen aýrýhanaǵa jatqyzyldy.
TJD bólimsheleri saǵat 15.02-de órtti tolyq joidy. Arnaiy kólik kómegimen jeldetilmegen parkingten tútin shyǵarý júrgizilip, turǵyndar joǵarǵy qabattardan órt satysymen evakýatsiialandy.
Órt sóndirýshiler órtpen qatty ystyq, joǵary temperatýra jaǵdaiynda kúresti. Órttiń sebebi anyqtalady" - delingen habarlamada.
Aita keteiik, Astana qalasy TJD Órt sóndirý bólimsheleri 6 maýsym saǵat 11:56-da Muhamedhanov kóshesindegi TK parkinginde órt bastalǵany týraly habarlamaǵa shyqqan.
Órt sóndirýshiler oqiǵa ornyna 7 minýttan keiin barǵan jáne avtoturaqta kólik janyp jatqany anyqtalǵan.
