Nur-Sultan qalasyndaǵy «Ramada Plaza» qonaqúiinde koronavirýsqa shaldyqqan naýqastar úshin qosymsha 500 oryn daiyndaldy, dep habarlaidy "Ult aqparat".
«Memleket basshysynyń tapsyrmasyna sáikes qala ákimdigi COVID-19 infektsiiasyn juqtyrǵan naýqastardy emdeýge arnalǵan tósek-oryndardy keńeitý boiynsha júieli negizde jumystar júrgizip jatyr. «Ramada Plaza» ǵimaratynda qosymsha 500 oryn ashylady. 1 shildede 250 oryn daiyndalady», - delingen ákimdiktiń Instagram-paraqshasynda.
Aita keteiik, ótken aptada 800-den astam tósek-oryn qurylǵan bolatyn. Atap aitqanda, 600 oryndyq №1 kópsalaly qalalyq aýrýhana tolyǵymen juqpaly aýrýlar statsionaryna aýystyryldy. Sonymen birge Ulttyq ǵylymi meditsinalyq ortalyǵy, Qorǵanys ministrliginiń gospitali jáne UOS klinikalyq gospitali bazasynda oryndar daiyndaldy.
«Ókpeni jasandy jeldetý apparattaryn, kompiýterlik tomografiia, ottegi kontsentratorlaryn, PTR-testilerdi, dári-dármekterdi jáne taǵy basqasyn satyp alý boiynsha jumystar atqarylyp jatyr», - dedi qala ákimdiginen.
