© Photo: Almaty qalasy ákimdiginiń baspasóz qyzmeti
Astana ákimi Jeńis Qasymbek kommýnaldyq tarifter 15-20 paiyzǵa kóteriletinin málimdedi, dep habarlaidy Sputnik Qazaqstan.
Ákimniń aitýynsha, búginde qalada sýdyń baǵasy arzan. Basqa óńirlermen salystyrǵanda úsh-tórt ese tómen.
“Máselen, sýdyń bir kýbmetri 48 teńge turady. Almatyda, Qaraǵandyda jáne basqa qalalarda - 100 teńge, 120 teńge jáne 150 teńge, jaqyn turǵan eldi mekenderde 200 teńgeden de asady. Osylaisha, Astanada sýdyń baǵasy úsh-tórt ese tómen bolyp tur”, - dedi Qasymbek ortalyq kommýnikatsiialar qyzmetinde ótken brifingte.
Onyń sózine qaraǵanda, sý jelilerin kútip ustaý úshin qosymsha qarjy qajet. Osy saladaǵy mamandardyń jalaqasyn da kóterý kerek.
“Sondyqtan ondai sharaǵa (tarifti kóterýge - red.) barýǵa májbúrmiz. Qazirgi kezde osy máselege jaýapty memlekettik organdarmen jumys istep jatyrmyz. Ortasha eseppen 15-20 paiyzǵa kóterýge tapsyrys berip otyrmyz”, - dep atap kórsetti Qasymbek.
Ákimniń aitýynsha, kommýnaldyq tarifter barlyq qyzmet boiynsha kóteriledi.
