Búgin, iaǵni, 13 qarasha kúni Astana qalasynda Qazaqstan Respýblikasy Din isteri jáne azamattyq qoǵam ministrliginiń uiymdastyrýymen Qoǵamdyq keńesterdiń 1-shi respýblikalyq májilisi óz jumysyn bastady.
Atalǵan sharanyń maqsaty - qoǵamdyq keńesterdiń qyzmetin jetildirý boiynsha usynystar ázirleý, jáne osy baǵytta oń tájiribelermen almasý sondai-aq, qoǵamdyq keńester men memlekettik organdardyń arasyndaǵy yntymaqtastyqty odan ári damytýdyń tetikteri men baǵyttaryn anyqtaý bolyp tabylady.
Is-shara aiasynda «Qoǵamdyq keńester: is-tájiribe jáne memleket pen qoǵamnyń ózara árekettesý tetikteri» taqyrybynda plenarlyq otyrys ótti. Onyń jumysyna QR Parlamenti Senatynyń tóraǵasynyń orynbasary Bektas Beknazarov, QR Premer-Ministriniń orynbasary Erbolat Dosaev, QR Din isteri jáne azamattyq qoǵam ministri Nurlan Ermekbaev, BUU Damý baǵdarlamasynyń Turaqty ókili Mýnhtýi Altangerel qatysty.
2016 jyly «100 naqty qadam» Ult josparyn iske asyrý sheńberinde memlekettik organdar men azamattyq qoǵam arasyndaǵy dialogtyń nysany retinde Qoǵamdyq keńester quryldy. Bul memlekettik emes uiymdar úkimettik sheshimderdi qabyldaýdyń ashyqtyǵyn arttyrýǵa arnalǵan konsýltativtik, konsýltatsiialyq, baqylaýshy organdar bolyp tabylady.
Qazaqstanda respýblikalyq jáne jergilikti deńgeide 229 qoǵamdyq keńes óz qyzmetin júzege asyrýda (Olardyń 16-y respýblikalyq deńgeide, 213-i óńirlik deńgeide jumys isteidi). Elimiz boiynsha Qoǵamdyq keńesterdiń quramyna 4 055 adam múshe, onyń 818-i úkimettik emes uiymdardyń ókilderi.
Qoǵamdyq Keńester qurylǵaly beri jalpy sany 213 oblys, qala jáne aýdan ákimderiniń, 16 ortalyq jáne 1300-den asa jergilikti atqarýshy organdar basshylarynyń esepteri tyńdaldy. Qoǵamdyq keńesterde 600-den astam ózekti máseleler qoǵamdyq tyńdaýlardan ótti. Sondai-aq, 9 myńnan astam normativti-aktiler jobalaryna usynystar engizildi.
«Keńesterdiń qyzmeti esep beretin jáne ashyq memleket qalyptastyrý úderisine oń áserin tigizdi jáne myńdaǵan belsendi azamattarǵa eldiń qoǵamdyq ómirine belsendi qatysýǵa múmkindik berdi», - dep atap ótti Din isteri jáne azamattyq qoǵam ministri N. Ermekbaev.
Qoǵamdyq keńesterdiń májilisi barysynda qoǵamdyq keńesterdiń qazirgi ýaqyttaǵy mártebesin kóterý, máslihattardyń qyzmetine uqsas qoǵamdyq keńesterdiń fýnktsiialaryn joiý úshin keńestiń ókilettikterin ózgertý, Keńester jumysynda memlekettik organdar músheleriniń ókildik deńgeiin tómendetý siiaqty birqatar ózekti máseleler kóterildi.
Qoǵamdyq keńesterdiń respýblikalyq májilisi atalǵan keńes jumysyn jetildirý maqsatynda halyqpen buqaralyq aqparat quraldarynyń ózara is-qimylyn nyǵaitý, jumys tiimdiligin damytý, ońtaily tájiribelerdi talqylaý taqyryptarynda paneldik pikirtalastar men seminarlar ótkizildi.
Is-sharaǵa qoǵamdyq keńesterdiń, sarapshylar qaýymdastyǵynyń, úkimettik emes uiymdardyń ókilderi, sondai-aq, memlekettik organdardyń jáne halyqaralyq uiymdardyń basshylary, jalpy sany 500 delegat qatysty.
Aita ketsek, qoǵamdyq keńester májilisiniń qorytyndysy boiynsha qatysýshylardyń naqty sheshimderi men usynystary negizinde arnaiy qarar qabyldanatyn bolady.
