Biz elordada baǵdarly elektromobilder paida bolýy boiynsha jumystar júrgizip jatyrmyz. Bul jóninde Ortalyq kommýnikatsiialar qyzmeti alańyndaǵy Qazaqstannyń iri óndiris oshaqtarynyń jasyl reiting boiynsha 2018 jylǵy qortyndysyn shyǵarýǵa arnalǵan brifingte «Qazaqstannyń ekologiialyq uiymdarynyń qaýymdastyǵy» ZTB basqarma tóraiymy Aigýl Soloveva málimdedi, dep habarlaidy Baq.kz agenttigi.
«2018 jyly jańa Ekologiia kodeksiniń tujyrymdamasyn ázirleý barysynda qaýymdastyq biznestiń ekologiialyq jaýapkershiligi jáne óńirdi eekologiialyq damytý tiimdiligi engizý reitingin týraly usynys jasaldy. Bul qural kásiporyndardyń qorshaǵan ortaǵa yqpalyna qatysty jumysy men ekologiialyq saiasatynyń ashyqtyǵyn qamtamasyz etedi. Sondai-aq, ol kásiporyndardyń tehnikalyq tusyn baǵalap, olardy modernizatsiialaýǵa arnalǵan ózara qarym-qatynasty ázirleýge múmkindik beredi», - dedi Soloveva.
Ol ótken jyldyń shilde aiynda reitingti aprobatsiialaý maqsatynda Qazaqstannyń ekologiialyq uiymdarynyń qaýymdastyǵy, Interfaks-ERA jáne Halyqaralyq jasyl tehnologiialar jáne investitsiialyq jobalar ortalyǵy arasynda úshjaqty memorandým jasalǵanyn aitty. Belgili bolǵandai, jasyl reitingti ázirleý barysynda 200 astam kásiporyn qatysqan.
Jýrnalisterdiń saýalyna jaýap bergen basqarma tóraiymy elordany qalyń tútinniń basýyna qatysty pikir bildirdi.
«Biz Astanamen tyǵyz bailanysta jumys jasap kelemiz. Bárimiz bilemiz, qaladaǵy aýanyń lastanýy birinshi kezekte avtokólikten shyǵatyn las tútinnen bolyp otyr. Qazir biz Astanada elektromobilder, sonyń ishinde baǵdarly elektromobilder paida bolýy boiynsha jumystardy qolǵa aldyq. Bul máselede ákimdik te úlken qoldaý kórsetýde. Sonymen qatar, JETs-terde gazdy qabyldaý boiynsha rekonstrýktsiia júrgizilip jatyr. Sol sebepti, bir jylǵa jýyq merzimde kómir múlde qoldanylmaityndyqtan, qazir súzgish qoiýdyń qanshalyqty tiimdi ekeni talqylanýda», - dedi Soloveva.
ZTB ókili bas qalany tútin basýyna jeke sektor turǵyndarynyń sapasyz kómir jaǵýy da sebepshi ekenin atap ótti.
