Foto: Astana ákimdigi
Búgin Astanada qalalyq jedel meditsinalyq járdem stantsiiasynyń bazasynda qyzmettik mindetin atqarý kezinde qaza tapqan feldsher Uldana Myrzýannyń rýhyna arnalǵan eskertkish taqtanyń ashylý saltanaty ótti, dep habarlaidy Ult.kz.
Sondai-aq marqum bilim alǵan meditsinalyq kolledjde bir oqý aýditoriiasyna Uldana Myrzýannyń esimi berildi.
Kolledjdi úzdik támamdaǵan soń Uldana Myrzýan tórt jyl boiy elordalyq jedel meditsinalyq járdem qyzmetinde feldsher bolyp eńbek etti. Qyzmet jolynda ol áriptesteriniń zor qurmetine, al naýqastardyń shynaiy alǵysyna bólengen.
Eskertkish taqtanyń ashylýy – meditsina qyzmetkeriniń erligi men adal eńbegine kórsetilgen taǵzym.
