Nur-Sultan qalasynyń bas sanitarlyq dárigeri Janna Pralieva elordada monitoring toptary qalai jumys istep jatqanyn baian etti, dep habarlaidy QazAqparat.
«Osy jyldyń 10 qarasha men 10 jeltoqsan aralyǵynda monitoring toptary shekteý jáne karantin sharalarynyń buzylýyna qatysty 158 shuǵyl habarlama jiberdi: Osylaisha Úilestirý ortalyǵynan shuǵyl habarlamalar kelip tústi. Jospardan tys tekserý nátijeleri boiynsha jalpy somasy 28 933 070 teńge bolatyn 107 ákimshilik aiyppul salyndy (onyń ishinde bir nysandaǵy 4 qyzmetkerge aiyppul salynǵan). Kemshilikterdi retteý jóninde 105 nusqama berildi», - deidi Janna Pralieva.
Shekteý jáne karantin sharalarynyń «ádeii buzǵandarǵa» qatysty nusqamany oryndamaǵany úshin Nur-sultan qalasynyń mamandandyrylǵan aýdanaralyq ákimshilik sotyna QR ÁQBtK-niń 462-babynyń 3-bóligi boiynsha 7 ákimshilik hattama jiberildi. Olar: «sova» karaoke barynyń, «Janym sol» karaoke-barynyń, «Alanya» túngi klýby, «Teqila» laýndj-bary, «Echo» bary, «Altyn» meiramhanasy.
«Ákimshilik kodekstiń 462-babynyń 3-bóliginiń sanktsiiasy nysan qyzmetin toqtata otyryp, ákimshilik aiyppul túrindegi jaza berýdi kózdeidi. Basqarma ókilderi ókilderi joǵaryda atalǵan nysandardyń qyzmetin 3 aiǵa deiin toqtata turý túrinde qosymsha jaza sharasyn qoldaný týraly sotqa ótinish jasaidy», - dedi ol.
