Elordanyń qoǵamdyq densaýlyq saqtaý basqarmasy gaz toltyrý stansasyndaǵy iri órt saldarynan zardap shekkenderdiń jai-kúii jaily aqparat berdi, dep habarlaidy QazAqparat.
Vedomstvo málimetinshe, órt kezinde 4 adam zardap shekken.
Olar №1 qalalyq kópbeiindi aýrýhanaǵa jetkizildi.
«1995 jyly dúniege kelgen patsientti ortasha aýyr deńgeide termiialyq kúiik shalǵan. 1992 jyly dúniege kelgen eki jáne 1969 jyly dúniege kelgen taǵy bir patsienttiń jaǵdaiy aýyr. Úsheýinde de - úshinshi dárejeli kúiik shogy. Patsientterge qajetti búkil meditsinalyq kómek kórsetilip jatyr», - dep atap ótti basqarmadan.
Buǵan deiin, 25 shilde kúni saǵat 22.05-te 101 pýltine Qobda kóshesi, 6 mekenjaiynda órt bolyp jatqany týraly habarlama túsken edi.
Oqiǵa ornyna jedel túrde Nur-Sultan qalasynyń TJD qutqarýshylary jiberilgen.
