Foto: «Dala qyrandary» qorynan
DFC týrniri, álemdik deńgeidegi jaýyngerlerdiń tartysty jekpe-jeginiń alǵashqy kúnin sportshylardyń salmaǵyn ólsheý rásiminen bastap, el namysyn qorǵaityn jáne olardyń qarsylastaryn jankúierlerge tanystyrdy.
Foto: «Dala qyrandary» qorynan
Jaýyngerler jýrnalist, blogerler men janúierlerdi qyzyqtyrǵan suraqtarǵa jaýap berip, jekpe-jekke arnalǵan boljamdarymen bólisti. Mysaly fanattarynyń qarsylasy týraly qoiylǵan suraǵyna Erkebulan Toqtar:
«Jekpe-jekti ekinshi raýndta aiaqtaimyn»- dep jaýap berip, kórermenderge qyzyqty kúres ýáde etti.
Foto: «Dala qyrandary» qorynan
Face to face talasqa túsetin sportshylardyń arasyndaǵy mańyzdy sáttiń biri bolǵandyqtan jaýyngerler qarsylastaryn kórermen qasynda búgin-aq oirata salýǵa daiyn ekenin kórsetti.
DALA FIGHTING CHAMPIONSHIP (DFC) — álemdik deńgeidegi sportshylardyń basyn qosqan jáne Qazaqstannyń sporttyq namysyn qorǵap, álem arenasynda bedelin arttyrýǵa arnalǵan iri joba. Aýqymdy is-sharany «Dala qyrandary» sportty qoldaý ulttyq qory uiymdastyrdy. Týrnirdiń basty ideiasy sportshylardyń kásibi deńgeige jetý jolyn jankúierlerge kórsetý. Bul ideany erteńgi jekpe-jektiń basty kartynda óner kórsetetin Vasilii Tahtai alǵa tarqan. Ol qazirgi tańda jeńilissiz 9-0 seriiasymen jáne jastardy qoldaý, olarǵa sporttyq sheberlikke jetýde jan-jaqty qol ushyn sozatyn sportshy retinde tanylǵan.
‘‘DALA FIGHTING CHAMPIONSHIP MMA dan alǵashqy týrnir. Bul elimizdiń sportshylaryryna Qazaqstan namysyn álemdik deńgeide qorǵaýǵa múmkindik beredi. Qazirgi tańda týrnirde onnan astam memlekettiń jaýyngerleri qatysyp jatyr. Týrnir «Dala qyrandary» sportty qoldaý ulttyq qory tarapynan uiymdastyrylǵanyn aityp ótken jón. Qordyń alǵa qoiǵan maqsaty elimizdiń jastaryn sportqa baýlý jáne álem arenasynda sportshylarymyzdy tanytý’’- dep otyr Meiirbolat Toitov bokstan álemdik deńgeidegi sport sheberi, «Dala qyrandary» ulttyq qorynyń koordinatory.
Foto: «Dala qyrandary» qorynan
Vasilii Tahtai bastaǵan elimizdiń sportshylary dúniejúzilik reitingte óz ornyna ie sheteldik sportshylarmen tartysqa túsedi. Atap aitatyn bolsaq basty kartta Vasilii Tahtaimen jekpe-jekke shyǵatyn Amerikalyq Ýill Chop (42-21) álemge aty shýly UFC-de óner kórsetken. Jekpe-jektiń deńgeiin osydan-aq sezinýge bolatyn siiaqty.
Vasilii Tahtai qarsylasynyń UFC- de birqatar jekpe-jek ótkizgenin, onyń boiy 2 metrge jetetin yńǵaisyz jaýynger ekenin aityp ótti.
Týrnirde jalpy 12 jekpe-jek ótkizilý josparlanǵan. Olardyń qatarynda sport jankúierlerine eń qyzyqty dep eseptelip otyrǵan qazaq MMA -daǵy megajuldyz Erkebulan Toqtar (8-3) men Egipet eliniń jaýyngeri Elsaida (11-7) arasyndaǵy tartys.
Foto: «Dala qyrandary» qorynan
Esterińizge salaiyq Qazaqstannyń namysyn Vasilii Tahtai, Erkebulan Toqtar, Súndet Aitqul, Qojahmet Imanǵali jáne OCTAGON ligasynyń chempion qyzy Aian Tursynmen qatar aty shýly jekpe-jek sheberleri qorǵaidy.
Daiyndaǵan: Bekbolat MUHTAROV
