Foto: mykrg.kz
Astanada eki jumysshy salynyp jatqan turǵyn úi kesheniniń 15-qabatynan qulap, kóz jumdy, dep habarlaidy qalalyq politsiia departamenti.
PD málimetinshe, 10 tamyzda "Almaty" aýdandyq politsiia basqarmasynyń kezekshi bólimine "A-City" turǵyn úi kesheniniń qurylys nysanynda eki adamnyń biikten qulap ketkeni týraly habarlama kelip túsken.
"Anyqtalǵandai, A.Baitursynov kóshesiniń boiynda salynyp jatqan 20 qabatty turǵyn úi kesheniniń qasbettik jumystaryn júrgizý kezinde arqan úzilip ketip, eki jumysshy 15-qabattan, montajdaý kótergishinen qulap ketken. 20 jáne 27 jastaǵy jumysshylar oqiǵa ornynda kóz jumdy", - delingen habarlamada.
Vedomstvo málim etkendei, atalǵan fakti boiynsha QR Qylmystyq kodeksiniń 277-babynyń 3-bóligi boiynsha sotqa deiingi tergeý amaldary júrgizilip jatyr.
Barlyq qajetti saraptamalar taǵaiyndalǵan.
