Elordada Ulttyq gvardiianyń 3660-shy Áskeri bólimshesiniń áskeri qyzmetshileri - serjant Aizat Dúisekeev pen qatardaǵy ásker Aleksandr Sýshik órtke oranǵan páterden er adamdy qutqaryp aldy, dep habarlaidy "Ult aqparat" QR Ulttyq gvardiiasynyń baspasóz qyzmetine silteme jasap.
«Keshe keshkisin Astanadaǵy Beibitshilik pen Moldaǵulova kósheleriniń qiylysynda serjant Aizat Dúisekeev pen qatardaǵy ásker Aleksandr Sýshikke áiel adam kómek surai júginip, egde jastaǵy er adam tútinge oranǵan páterde qalyp qoiǵanyn aitady. Ulttyq gvardiianyń 3660-shy Áskeri bólimshesiniń áskeri qyzmetshileri áiel baǵyt siltegen jaqqa shapshań attanǵan», - dep málimdedi baspasóz qyzmeti.
Úidiń kireberisi de iis gazyna oranyp úlgergen. Páterge kirgen gvardiiashyldar qoiý qara tútinniń arasynan er adamdy alyp shyǵady. Artynsha, úidiń basqa turǵyndaryn da evakýatsiialaidy.
Olar órt sóndirý qyzmeti men jedel meditsinalyq járdem kelgenshe turǵyndarǵa kómek kórsetken.
