Astananyń Saryarqa aýdandyq №2 sotynda qaladaǵy aialdamalardyń birinde arandatýshylyq mándegi sózdi jazyp ketken er adamǵa qatysty sot úkimi shyqty, - dep habarlaidy kaz.tengrinews.kz Astana qalalyq sotynyń baspasóz qyzmetine silteme jasap.
"Astananyń Saryarqa aýdandyq №2 sotynda R.G.Gaisinge qatysty sot úkimi shyqty. Ol QR Qylmystyq kodeksiniń 174-babynyń 1-bóligi boiynsha aiypty dep tanylyp, 3 jyl 6 aiǵa bas bostandyǵynan aiyryldy. Sondai-aq, oǵan alkologizmnen em alý belgilendi. Er adam sot zalynda kinásin moiyndady", - dep habarlady sottaǵylar.
Sottyń málimetinshe, er adam Astanadaǵy Pobeda dańǵylynda ornalasqan aialdamada óz qolymen plakat-bannerde arandatýshylyq mándegi sóz jazyp ketken.
"Osylaisha sottalýshy ultt,yq arazdyqty qozdyrý maqsatynda qasaqana áreket jasady. Sot úkimi zańdy kúshine engen joq", - dep habarlady sottyń baspasóz qyzmetindegiler.
Eske sala keteiik, osyǵan deiin Astana aialdamasynda "qazaqtardy itshe qyrý kerek" degen arandatýshylyq sóz jazǵan er adam málimdeme jasaǵan bolatyn.
