Astanada eki apaly-sińlili kúieýlerimen birge uiymdastyrǵan pritondar jelisiniń joly kesildi. Elorda prokýratýrasynyń málimetinshe, qylmystyq top quramynda 15 adam bolǵan, dep habarlaidy ult.kz.
Tergeý deregine sáikes, kúdiktiler 2023–2025 jyldary birneshe páterdi priton retinde paidalanǵan. Top quramynda ákimshiler, kúzetshiler jáne jarnamamen ainalysqan adamdar bolǵan.
Prokýratýranyń málimetinshe, olar túngi klýbtardan qyzdardy aldap shaqyryp, keiin klientterdi bopsalaǵan jáne qyzdardy páterlerde zańsyz ustaǵan. Iske kámeletke tolmaǵandardy jezókshelikke tartý faktileri de qatysty.
Qylmystyq is boiynsha 15 kúdiktiniń barlyǵy ustalyp, qamaýǵa alynǵan. Qazir is sotqa joldandy. Kúdiktilerdiń kinási sotta dáleldenýi tiis.
