Astanada ótetin Jibek Joly qalalarynyń basshylary forýmynda «Altyn» kópirdiń irgetasy qalanady, dep habarlaidy QazAqparat tilshisi.
«Global Silk Road» qala merleriniń forýmynda Astanada turǵyzylatyn «Altyn» kópirdiń irgetasy qalanady. Jibek joly halyqtarynyń dostyǵyn beineleitin bul kópirdiń avtory - álemge tanymal qytailyq sáýletshi Shý Iýn. Kópir uzyndyǵy 28 metrdi quraidy. Bul taǵdyry ortaq, múddesi ortaq jahandyq qaýymdastyq qurý armanyn bildiredi», - dedi G-Global halyqaralyq hatshylyǵy basshysynyń birinshi orynbasary Murat Qarymsaqov OKQ-de ótken baspasóz-konferentsiiasynda.
Eske sala keteiik, Jibek Joly qalalarynyń merleri bas qosatyn «Global Silk Road» forýmy Astanada 2-3 shilde kúnderi ótedi.
Forýmda HHI ǵasyrdaǵy Jibek Jolyn tsifrlandyrýdyń mańyzdy máseleleri, turaqty damý, ekonomikalyq teńsizdikti tómendetý, halyqaralyq saýdanyń jańa erejeleri, kriptovaliýtalardy paidalaný, áielder men jastardyń, úkimettik emes uiymdardyń mańyzdy máseleleri talqylanady.
Forým sońynda Jibek Joly elderindegi qalalar basshylarynyń klýby qurylady dep kútilýde. Sondai-aq, biznes, ǵylym, ýniversitetter, BAQ, ádebiet pen óner, týrizm, sport baǵyttary boiynsha qaýymdastyqtar men birlestikter ashylady. Mektepke deiingi bilim berý, týrizm, sport boiynsha kommertsiialyq qujattarǵa qol qoiylady.
Sondai-aq, shara aiasynda Jibek joly elderiniń ardager fýtbolshylary men qala basshylary joldastyq kezdesý ótkizedi.
