Astanada jalǵan chekpen dúken satýshylaryn aldaǵan áiel ustaldy, - dep habarlaidy "Ult aqparat" Polisia.kz saityna silteme jasap.
Elordanyń Almaty aýdandyq politseileri jedel-izdestirý is-sharalaryn júrgizý barysynda satýshylardy jalǵan túbirtekpen aldaǵan 33 jastaǵy Pavlodar oblysynyń turǵynyn anyqtady.
Ol Manas kóshesindegi qurylys dúkeninen jalpy somasy 39 myń teńgeni quraityn taýardy uqyptylyqpen alyp, satýshyǵa tólemniń qoldan jasalǵan jalǵan túbirtegin kórsetken de, eki býma taýarmen jaibaraqat shyǵyp ketken.
Kelesi jaǵdaida alaiaq áiel Kúishi Dina kóshesindegi dúkenniń satýshysyn dál osyndai ádispen, tek 11 myń teńgeden astam aqshaǵa aldaǵan.
"Ustalǵan áielge qatysty QR QK-niń 190-baby (Alaiaqtyq) boiynsha sotqa deiingi tergeý amaldary júrgizilip jatyr. Ol ýaqytsha ustaý izoliatoryna qamaldy.
Tekserý barysynda onyń eki birdei telefon urlyǵyna qatysy bar ekeni anyqtaldy. Qazirgi ýaqytta onyń elorda aýmaǵynda osyǵan uqsas basqa da qylmystarǵa qatystylyǵy tekserilip jatyr" - delingen IIM baspasóz qyzmeti habarlamasynda.
video: Polisia.kz
