28 tamyzda Astanada Astana halyqaralyq ýniversiteti bazasyndaǵy Beijiń til jáne mádeniet ýniversiteti (BLCU) filialynyń aýmaǵynda «ál-Farabi men Konfýtsii: Uly oishyldar suhbaty» músindik kompozitsiiasynyń saltanatty ashylý rásimi ótti, dep habarlaidy ult.kz.
Óner týyndysyn Qazaqstan Prezidenti Qasym-Jomart Toqaev ýniversitet filialyna arnaiy tartý etken.
Músindik kompozitsiia Qazaqstan men Qytai arasyndaǵy mádeni jáne bilim berý bailanystarynyń, sondai-aq eki el halyqtarynyń rýhani sabaqtastyǵynyń simvoly sanalady. Onyń avtory – álemge tanymal qytailyq músinshi, Qytaidyń Ulttyq kórkemóner murajaiynyń direktory Ý Veishan.
Foto: Astana halyqaralyq ýniversiteti baspasóz qyzmetinen
Saltanatty rásimde músinshiniń haty oqyldy. Ý Veishan óz hatynda ál-Farabi men Konfýtsiidiń rýhani murasyn toǵystyratyn týyndynyń Qazaqstandaǵy BLCU filialyna ornatylýyn Qytai men Qazaqstan arasyndaǵy máńgilik dostyqtyń simvoly dep ataǵan.
«Konfýtsii gýmanizmdi tirshiliktiń negizi etip, izgilikke negizdelgen qoǵam qurýǵa úndese, ál-Farabi aqiqat pen bilim arqyly izgi qoǵam qalyptastyrýdy kózdedi. Olardyń ideialary adamzat órkenietiniń damýyna zor úles qosty. Bul eskertkish jas stýdentterge rýhani ónege bolyp, adamzatqa ortaq qundylyqtardy nyǵaitýǵa qyzmet etedi dep senemin», – dedi músinshi.
Is-sharaǵa QR Ǵylym jáne joǵary bilim ministri Saiasat Nurbek, QHR-dyń Qazaqstandaǵy Tótenshe jáne Ókiletti Elshisi Han Chýnlin, Astana halyqaralyq ýniversiteti prezidenti Serik Irsaliev pen BLCU basshylary jáne oqytýshylary, Qoǵamdyq keńes tóraǵasy Beibit Mamraev, sondai-aq QR Prezidenti Is basqarmasynyń ókilderi, Quryltai depýtattary, «Halyq» qorynyń músheleri men BAQ ókilderi qatysty.
Músindik kompozitsiianyń jamylǵysyn Saiasat Nurbek pen Han Chýnlin saltanatty túrde ashty.
Foto: Astana halyqaralyq ýniversiteti baspasóz qyzmetinen
Foto: Astana halyqaralyq ýniversiteti baspasóz qyzmetinen
Óz sózinde QHR elshisi Han Chýnlin músindi Qytai men Qazaqstan órkenietteriniń ózara baiytylýynyń jáne adamzat danalyǵynyń rýhani toǵysýynyń simvoly dep baǵalady. Onyń aitýynsha, Konfýtsii men ál-Farabidi ǵasyrlar bólip turǵanymen, olardyń bilimge, adamgershilikke jáne qoǵamnyń úilesimdi damýyna degen kózqarastarynda ortaq úndestik bar.
«Eki oishyl da bilim berýdiń adam sanasyn aǵartýǵa, tulǵany qalyptastyrýǵa jáne qoǵamdy jetildirýge qabiletti negizgi kúsh ekenine sengen», – dedi elshi.
Foto: Astana halyqaralyq ýniversiteti baspasóz qyzmetinen
Ol sondai-aq Qytai men Qazaqstan arasyndaǵy gýmanitarlyq bailanystardyń qarqyndy damyp kele jatqanyn atap ótti. Qazirgi tańda eki el jastary stýdentter almasýy, ǵylymi zertteýler jáne birlesken bilim berý baǵdarlamalary arqyly ózara tájiribe almasyp, birge damyp keledi.
Ǵylym jáne joǵary bilim ministri Saiasat Nurbektiń aitýynsha Qazaqstan Prezidenti Qasym-Jomart Toqaev memleket basshysy bolyp sailanǵan alǵashqy kezeńnen bastap eldegi ǵylym-bilimniń damýyna, adami kapitaldyń nyǵaiýyna júieli sheshimder qabyldap keledi. Sol sheshimderdiń biri – Qazaqstanda sheteldik joǵary oqý oryndarynyń filialdaryn ashý boldy.
Foto: Astana halyqaralyq ýniversiteti baspasóz qyzmetinen
Ministrdiń sózinshe sońǵy bes jyldyń ishinde Qazaqstanda qyryqqa jýyq myqty zertteýshi sheteldik ýniversitetterdiń filialdary ashyldy. Solardyń ishinde osydan eki jyl buryn óz esigin ashqan Beijiń Til jáne Mádeniet ýniversitetiniń filialy boldy.
«Osy filialdardyń arqasynda qazir Qazaqstanda 37 myńnan astam sheteldik stýdent bilim alady. Bul biz úshin tarihi kórsetkish. Sonyń ishinde biyl 3,5 myńǵa jýyq Qytai azamaty Qazaqstanǵa kelip bilim alýǵa sheshim qabyldady. Mundai buryn bolmaǵan», – dedi Saiasat Nurbek.
Foto: Astana halyqaralyq ýniversiteti baspasóz qyzmetinen
Astana halyqaralyq ýniversitetiniń prezidenti Serik Irsaliev te bilim men mádeniettiń ózara bailanysyna toqtaldy. Onyń aitýynsha, ýniversitette sheteldik stýdenttermen qatar qytai tilin oqyp júrgen jastar da kóp. Olar bilimderin rastaý kezinde joǵary nátijeler kórsetip, til meńgerý deńgeiin dáleldep keledi.
«Qytaidan kelgen qonaqtarymyz da tek tildi bilý jetkiliksiz ekenin túsinedi. Mádeni erekshelikterdi túsiný jáne ári qarai damý asa mańyzdy», – dedi Serik Irsaliev.
Músindik kompozitsiianyń ashylýy Qazaqstan men Qytai arasyndaǵy bilim berý jáne mádeni bailanystardy odan ári nyǵaitýǵa baǵyttalǵan mańyzdy qadam boldy.
Foto: Astana halyqaralyq ýniversiteti baspasóz qyzmetinen
Sharada qonaqtar is-shara aiasynda uiymdastyrylǵan arnaiy baǵdarlamalardy tamashalap, sonymen birge QR Ǵylym jáne joǵary bilim ministri Saiasat Nurbek men QHR-dyń Qazaqstandaǵy Tótenshe jáne Ókiletti Elshisi Han Chýnlin ózara syi-siiapat tartý etisti.
Foto: Astana halyqaralyq ýniversiteti baspasóz qyzmetinen
Foto: Astana halyqaralyq ýniversiteti baspasóz qyzmetinen
