Politsiia «Páter» jedel-profilaktikalyq sharasy barysynda 26 jastaǵy uryny qolǵa túsirdi, dep habarlaidy "Ult aqparat" Nur-Sultan qalasy Politsiia departamentiniń baspasóz qyzmetine silteme jasap.
Tergeý barysynda kúdiktiniń 2019 jyldyń shilde aiynda balkonnyń plastik terezesin buzyp, kottedjge kirip, altyn jáne gaýhar tas buiymdaryn, sondai-aq aqsha urlaǵany anyqtaldy. Jalpy shyǵyn somasy 4 mln teńgeni quraǵan.
Búginge deiin tergeýden jasyrynyp, halyqaralyq izdeýde bolǵan kúdikti jedel izdestirý sharasy barysynda qolǵa túsirildi.
Qazirgi ýaqytta kúdikti PD-niń ýaqytsha ustaý izoliatorynda. QR QK 188-baby boiynsha sotqa deiingi tergeý júrip jatyr. Politseiler azamattan urlanǵan altyn buiymdardy taýyp, iesine qaitardy.
Nur-Sultan qalasynyń Politsiia departamenti 2020 jyldyń basynan páter tonaý aýyr qylmys túrine jatqyzylǵanyn eskertedi. Endi, mundai urlyq jasaǵandardy úsh jyldan jeti jylǵa deiin bas bostandyǵynan aiyryp, múlkin tárkileidi jáne tatýlasý múmkindigi joq.
