Foto: Polisia.kz
Astanada 3 mln teńgeniń altyn buiymyn urlaǵan lombard qyzmetkeri quryqtaldy, – dep habarlaidy «Ult aqparat» Polisia.kz-ke silteme jasap.
Saryarqa aýdany politsiia basqarmasynyń kriminaldyq politsiia qyzmetkerleri jedel-izdestirý is-sharalaryn júrgizý barysynda urlyq jasady degen kúdikpen 33 jastaǵy qala turǵynyn anyqtady.
Tergeý barysynda áieldiń qalanyń oń jaq jaǵalaýynda ornalasqan lombardtardyń birinde zergerlik buiymdardy baǵalaýshy bolyp jumys isteitini belgili boldy. Bir ai kóleminde jumys istegen qaskúnem ártúrli altyn buiymdardy alyp shyǵyp, kórshi lombardtarǵa ótkizgen. Túsken aqshany óz keregine jaratqan.
Keltirilgen materialdyq shyǵyn – 3 million teńge. Atalǵan fakti boiynsha qylmystyq is qozǵaldy. Áiel moiyndaý kórsetpelerin berdi. Onyń elorda aýmaǵynda jasalǵan osyǵan uqsas basqa da qylmysqa qatysy bar-joǵy tekserilip jatyr.
