Qazaqstan kibersport federatsiiasy 2027 jyly kibersporttan álem chempionatynyń (IESF World Esports Championship 2027) Astanada ótetinin jariialady, dep habarlaidy ult.kz.
Bul Qazaqstan úshin kibersport salasyndaǵy mańyzdy jetistikterdiń biri sanalady. Buǵan deiin elordada álemniń úzdik komandalary qatysqan PGL Astana týrniri ótken bolatyn. Endi Astana álemniń túkpir-túkpirinen keletin ulttyq quramalardy qabyldaityn eń iri kibersport dodasyna da úi ielik etedi.
2027 jylǵy álem chempionaty kelesi oiyn túrleri boiynsha uiymdastyrylady:
Counter-Strike 2;
Dota 2;
Mobile Legends: Bang Bang;
PUBG MOBILE;
eFootball;
Tekken 8.
Qazaqstan kibersport federatsiiasynyń málimetinshe, álem chempionatyn ótkizý eldegi kibersport infraqurylymyn damytýǵa, halyqaralyq jarystardy uiymdastyrý tájiribesin arttyrýǵa jáne Qazaqstannyń álemdik kibersport kartasyndaǵy ornyn nyǵaitýǵa múmkindik beredi.
