Astanada «100 jańa esimdi» anyqtaýǵa arnalǵan offlain aktsiia bastaldy, dep habarlaidy "Ult aqparat".
Onyń basty ereksheligi uiymdastyrýshylar halyq kóp shoǵyrlanatyn jerlerde arnaiy anketa taratady. Kez kelgen adam oǵan óziniń nemese tanystarynyń úlgi bolarlyq tarihyn jaza alady. Al jinalǵan aqparat keiin «El.kz» saitynda jariialanady. Jalpy dál osy portal Elbasy maqalasynda tapsyrylǵan elimizdiń «100 jańa esimin» anyqtaýǵa bilek sybana kirisip ketti. Bas-aiaǵy 2 aidyń ishinde saitqa myńnan asa elektrondy ótinish kelip túsken. «Offlain aktsiia bul kórsetkishtiń odan ary artýyna jáne 100 jańa esimge laiyqty keiipkerlerdi tabýǵa kómektesedi», – deidi uiymdastyrýshylar.
Bella Orynbetova, uiymdastyrýshy:
– Bul jobada barlyq adamdar qamtylý úshin offlainǵa shyǵyp otyrmyz. Astanadaǵy «Báiterektiń» janyn qala qonaqtary óte jii keletindikten tańdadyq. Sondyqtan barynsha aýqymdy shara bolsyn dep, búgin osy sharaǵa shyǵyp otyrmyz. Bizdiń jýrnalister qala qonaqtarynan, astanalyqtardan ótinishti jazbasha alyp, qaǵazǵa túsirip alady, sosyn ony saitymyzǵa salamyz.
Aita ketsek, «100 jańa esim» jobasy – Táýelsizdik jyldarynda tabysqa jetken, elimizdiń ár óńirinde turatyn túrli jastaǵy, san alýan etnos ókilderiniń tarihy.
Prezident Nursultan Nazarbaev «Bolashaqqa baǵdar: rýhani jańǵyrý» atty maqalasynda el damýyna zor úles qosqan azamattardyń ózderi men olardyń tabysqa jetý tarihyna mán berip, olarǵa aqparattyq qoldaý jasap, tanymal etýdiń jańa mýltimediialyq alańyn qalyptastyrýǵa shaqyrdy.
Jobanyń basty maqsaty – Táýelsizdik dáýirinde elimizdiń kórkeiýine úles qosqan, ultymyzdyń altyn qoryna enýge laiyqty jerlesterimizdi kópshilikke tanytý.
