Astana qalalyq TJD kósheler men bazarlarda pirotehnika ónimderin satyp almaýǵa shaqyrady, dep habarlaidy "Ult aqparat" ákimdiktiń saityna silteme jasap.
Mereke kúnderi otandyq jáne sheteldik (Resei, Qytai, Koreia) firmalar óndiretin pirotehnikalyq zattardy satyp alý esh qiyndyq týdyrmaidy. TJD qyzmetkerleri pirotehnikalyq ónimderdi belgilenbegen jerden satyp alý jáne olardy órt qaýipsizdigi erejelerin saqtamai paidalanýdyń qaýipti ekendigin málim etti.
«Órt qaýipsizdigi erejelerine» sáikes, pirotehnikalyq ónimderdi bazarlarda, saýda alańdarynda, kóshelerde jáne osy maqsattarǵa sai kelmeitin dúkenderde satýǵa tyiym salynady. Pirotehnikany 18 jasqa tolmaǵan balalarǵa, sondai-aq sertifikaty men egjei-tegjeili nusqaýlyǵy joq ónimderdi satýǵa jáne paidalanýǵa tyiym salynady», - dedi Astana qalasy TJD órt qaýipsizdigi salasyndaǵy baqylaý jáne aldyn alý basqarmasynyń basshysy Oral Ábdrahmanov.
