Qazaqstan aýmaǵynda 9-15 tamyz aralyǵynda kiberqylmystyń jolyn kesýge baǵyttalǵan Anti Fraud jedel-aldyn alý is-sharasy ótip jatyr, dep habarlaidy "Ult aqparat".
Polisia.kz aqparattyq portalynyń málimetinshe, elordanyń kriminaldyq politsiia qyzmetkerleri eki kúnniń ishinde aqparattyq tehnologiia salasynda buǵan deiin jasalǵan 20 qylmysty áshkerelep, taǵy 18 faktini anyqtady. 8 kúdikti ustaldy.
Máselen, Túrkistan oblysynyń 20 jastaǵy turǵyny Instagram arqyly aqshany eselep beremin degen jeleýmen elorda turǵyndarynyń shamamen 10 mln teńgesin qoldy etken.
Sonymen qatar politsiia qyzmetkerleri 38 jastaǵy elorda turǵynyn dál osyndai qylmysqa kúdikti retinde qamaýǵa aldy. Ol el azamattaryna shamamen 12 mln teńge shyǵyn keltirgen.
Osyǵan orai Nur-Sultan qalalyq Politsiia departamenti áleýmettik jelidegi onlain mámilememen bailanysty alaiaqtyq internettegi qylmystardyń eń kóp taraǵan túri ekendigin eskertip otyr.
