قازاقستان اۋماعىندا 9-15 تامىز ارالىعىندا كيبەرقىلمىستىڭ جولىن كەسۋگە باعىتتالعان Anti Fraud جەدەل-الدىن الۋ ٸس-شاراسى ٶتٸپ جاتىر, دەپ حابارلايدى "ۇلت اقپارات".
Polisia.kz اقپاراتتىق پورتالىنىڭ مەلٸمەتٸنشە, ەلوردانىڭ كريمينالدىق پوليتسييا قىزمەتكەرلەرٸ ەكٸ كٷننٸڭ ٸشٸندە اقپاراتتىق تەحنولوگييا سالاسىندا بۇعان دەيٸن جاسالعان 20 قىلمىستى ەشكەرەلەپ, تاعى 18 فاكتٸنٸ انىقتادى. 8 كٷدٸكتٸ ۇستالدى.
مەسەلەن, تٷركٸستان وبلىسىنىڭ 20 جاستاعى تۇرعىنى Instagram ارقىلى اقشانى ەسەلەپ بەرەمٸن دەگەن جەلەۋمەن ەلوردا تۇرعىندارىنىڭ شامامەن 10 ملن تەڭگەسٸن قولدى ەتكەن.
سونىمەن قاتار پوليتسييا قىزمەتكەرلەرٸ 38 جاستاعى ەلوردا تۇرعىنىن دەل وسىنداي قىلمىسقا كٷدٸكتٸ رەتٸندە قاماۋعا الدى. ول ەل ازاماتتارىنا شامامەن 12 ملن تەڭگە شىعىن كەلتٸرگەن.
وسىعان وراي نۇر-سۇلتان قالالىق پوليتسييا دەپارتامەنتٸ ەلەۋمەتتٸك جەلٸدەگٸ ونلاين مەمٸلەمەمەن بايلانىستى الاياقتىق ينتەرنەتتەگٸ قىلمىستاردىڭ ەڭ كٶپ تاراعان تٷرٸ ەكەندٸگٸن ەسكەرتٸپ وتىر.
