Búgin Astana ákimi Áset Isekeshevtiń esep berý jiynyna kelgen astanalyq úleskerler ákim men onyń orynbasarynyń otstavkaǵa ketýin talap etip, jiynnyń shyrqyn buzdy dep jazady NUR.KZ.
Elorda əkiminiń kezdesýinde astanalyq bir top turǵyn əkimniń otstavkaǵa ketýin talap etti.
Olar suraq-jaýap bóliminde zalda shý shyǵaryp, tipti, shahar atqaminerleriniń basý sózderine qulaq aspady.
"Jyl saiyn osy, qashanǵy shydaimyz? Úleskerler məselesi qashan sheshiledi? Qazir taǵy sotqa júginińizder dep shyǵaryp salady, olar túk sheshpeidi", – dep aiǵaiǵa basty zaldaǵy bir top turǵyn. Olar tipti zal balkonynda "Isekeshov otstavkaǵa ketsin!" degen plakat alyp shyǵyp, búlik saldy.
Al qala əkimi bolsa turǵyndardy sabyrǵa shaqyryp, "barlyq saýaldarǵa kezekpen jaýap beremiz" dedi. Sondai-aq, ol zalda shý shyǵaryp, aiǵaiǵa basqan "Azbýka jilia" qurylys kompaniiasynyń úleskerlerine jeke jaýap berdi.
"Sizder ədeii osy kezdesýge uiymdasqan túrde kelgenderińizdi bilemin. Biraq halyqty syilańyzdar, bulai búlik shyǵaryp, kezdesýdiń shyrqyn buzbańyzdar!", – dedi qala əkimi. Atqaminerlerdiń basý sózin qulaqqa ilmegen úleskerler aqyry zaldan qýylyp tyndy.
Balkonnan shý shyǵarǵan olarǵa shendiler "zaldan shyǵarylsyn, olai kedergi keltirmesin" dedi. Kezdesýge kelgen turǵyndar da tərtip saqtamaǵan úleskerledi sabyrǵa shaqyrdy.
"Ainalaiyn qaryndas, óziń anasyń, mədeniet qaida? Astananyń halqy osyndai bolsa, jetisken ekenbiz? Uiat qaida? Tym quryǵanda men siiaqty aqsaqaldardyń jasyn syila", – dep basý aitty kezdesýge qatysqan turǵyndardyń biri.
