Foto: QR KM
Keshe Qaraǵandy oblysynda Astana - Temirtaý respýblikalyq mańyzy bar avtomobil jolynyń 1402 shaqyrymynda (Oshaǵandy aýylynyń mańy) innovatsiialyq belsendi lazerlik eskertý júiesi alǵash ret synaq rejiminde ýaqytsha ornatyldy, dep habarlaidy Ult.kz.
Atalǵan júie túngi ýaqytta qozǵalys qaýipsizdigin arttyrýǵa baǵyttalǵan. Arnaiy sáýlelik belgiler júrgizýshiniń kórý aimaǵyna tikelei túsip, qaýipti jaǵdailarda der kezinde áreket etýge múmkindik bermek. Bul tásil jol-kólik oqiǵalaryna ákeletin sharshaý, zeiinniń tómendeýi jáne shekteýli kóriný máselelerin azaitýǵa septigin tigizedi.
Mamandardyń deregine súiensek, júrgizýshilerdiń lazerlik signaldarǵa jaýap qaitarý ýaqyty dástúrli jol belgilerine qaraǵanda birneshe ese jyldam. Sheteldik tájiribe kórsetkendei, mundai tehnologiia engizilgen ýchaskelerde apat kórsetkishi 40-50 paiyzǵa tómendegen.
Oshaǵandy aýyly mańyndaǵy bul qondyrǵy Qazaqstan aýmaǵynda júzege asyrylyp otyrǵan alǵashqy tájiribelik joba.
