Elorda aýmaǵyndaǵy sý basý qaýpi bar ýchaskelerdiń sany azaiyp keledi. Muny mamandar byltyr qabyldanǵan keshendi jospardyń jemisti iske asýymen bailanystyrady, dep habarlaidy QazAqparat.
Nur-Sultan otyn-energetika kesheni jáne kommýnaldyq sharýashylyq basqarmasy basshysynyń orynbasary Erlan Syzdyqov byltyr qala aýmaǵynda 37 qaýipti ýchaske bolǵanyn aitady.
«2021 jyly qar sýyn aǵyzýdyń keshendi jospary jasaldy. Jospar boiynsha sý basý yqtimaldyǵy bar ýchaskelerdiń tolyq tizimi daiyndaldy. Olardyń jalpy sany – 29. Almaty aýdany boiynsha 7, Baiqońyr aýdany boiynsha 8, Esil aýdany boiynsha 9, Saryarqa aýdany boiynsha 5 ýchaske bar. 2019 jáne 2020 jyldarmen salystyrǵanda sý basý qaýpi ýchaskelerdiń sany 8-ge azaidy», - dedi basqarma ókili.
Erlan Syzdyqov kommýnaldyq sharýashylyqqa jaýapty qyzmetter tasqynǵa daiyndyqty byltyr qazan aiynan beri bastap ketkenderin aitady. Sol daiyndyq barysynda Ilnka, Óndiris, Kóktal-1, Kóktal-2, Temirjol, Prigorod, Ońtústik-shyǵys siiaqty turǵyn úi massivteriniń bári nazarǵa alynǵan.
«Tizimdegi 29 ýchaskede azamattyq qorǵanys organdarynyń jedel toptary tolyq daiyndyq rejimine kóshirildi. Sondai-aq, kommýnaldyq qyzmetten 190 adam tartyldy.183 tehnika, 29 órt sóndirý sorǵysy daiyn tur. 1 sáýirdegi jaǵdai boiynsha qala aýmaǵynan 7 mln tekshe metr qar shyǵarylyp, 178 myń tekshe metr qar sýy sorǵytyldy», - deidi maman.
Basqarma ókili «Astana» sý qoimasynan qalaǵa keler qaýip joq ekenin de atap ótti.
«Astana» sý qoimasy men qalany qar sýynan qorǵap turǵan nysandardaǵy sýdyń kólemi kún saiyn tekserilip otyr. «Astana» sý qoimasyndaǵy sýdyń kólemi qazir 289 mln tekshe metrge teń. Bul onyń jobalyq qýatynyń 69 paiyzy degen sóz. Qarymta rettegishke sý jinalmaǵan.Esil ózeni men Sarybulaq bastaýynyń, Maibalyq ózeninen Nur-Esil arnasyna deiingi sý qaitarý kanalynyń jaǵasyn bekemdep, arnasyn tereńdetý jumystary jalǵasýda», - dedi Erlan Syzdyqov.
