ەلوردا اۋماعىنداعى سۋ باسۋ قاۋپٸ بار ۋچاسكەلەردٸڭ سانى ازايىپ كەلەدٸ. مۇنى ماماندار بىلتىر قابىلدانعان كەشەندٸ جوسپاردىڭ جەمٸستٸ ٸسكە اسۋىمەن بايلانىستىرادى, دەپ حابارلايدى قازاقپارات.
نۇر-سۇلتان وتىن-ەنەرگەتيكا كەشەنٸ جەنە كوممۋنالدىق شارۋاشىلىق باسقارماسى باسشىسىنىڭ ورىنباسارى ەرلان سىزدىقوۆ بىلتىر قالا اۋماعىندا 37 قاۋٸپتٸ ۋچاسكە بولعانىن ايتادى.
«2021 جىلى قار سۋىن اعىزۋدىڭ كەشەندٸ جوسپارى جاسالدى. جوسپار بويىنشا سۋ باسۋ ىقتيمالدىعى بار ۋچاسكەلەردٸڭ تولىق تٸزٸمٸ دايىندالدى. ولاردىڭ جالپى سانى – 29. الماتى اۋدانى بويىنشا 7, بايقوڭىر اۋدانى بويىنشا 8, ەسٸل اۋدانى بويىنشا 9, سارىارقا اۋدانى بويىنشا 5 ۋچاسكە بار. 2019 جەنە 2020 جىلدارمەن سالىستىرعاندا سۋ باسۋ قاۋپٸ ۋچاسكەلەردٸڭ سانى 8-گە ازايدى», - دەدٸ باسقارما ٶكٸلٸ.
ەرلان سىزدىقوۆ كوممۋنالدىق شارۋاشىلىققا جاۋاپتى قىزمەتتەر تاسقىنعا دايىندىقتى بىلتىر قازان ايىنان بەرٸ باستاپ كەتكەندەرٸن ايتادى. سول دايىندىق بارىسىندا يلنكا, ٶندٸرٸس, كٶكتال-1, كٶكتال-2, تەمٸرجول, پريگورود, وڭتٷستٸك-شىعىس سيياقتى تۇرعىن ٷي ماسسيۆتەرٸنٸڭ بەرٸ نازارعا الىنعان.
«تٸزٸمدەگٸ 29 ۋچاسكەدە ازاماتتىق قورعانىس ورگاندارىنىڭ جەدەل توپتارى تولىق دايىندىق رەجيمٸنە كٶشٸرٸلدٸ. سونداي-اق, كوممۋنالدىق قىزمەتتەن 190 ادام تارتىلدى.183 تەحنيكا, 29 ٶرت سٶندٸرۋ سورعىسى دايىن تۇر. 1 سەۋٸردەگٸ جاعداي بويىنشا قالا اۋماعىنان 7 ملن تەكشە مەتر قار شىعارىلىپ, 178 مىڭ تەكشە مەتر قار سۋى سورعىتىلدى», - دەيدٸ مامان.
باسقارما ٶكٸلٸ «استانا» سۋ قويماسىنان قالاعا كەلەر قاۋٸپ جوق ەكەنٸن دە اتاپ ٶتتٸ.
«استانا» سۋ قويماسى مەن قالانى قار سۋىنان قورعاپ تۇرعان نىساندارداعى سۋدىڭ كٶلەمٸ كٷن سايىن تەكسەرٸلٸپ وتىر. «استانا» سۋ قويماسىنداعى سۋدىڭ كٶلەمٸ قازٸر 289 ملن تەكشە مەترگە تەڭ. بۇل ونىڭ جوبالىق قۋاتىنىڭ 69 پايىزى دەگەن سٶز. قارىمتا رەتتەگٸشكە سۋ جينالماعان.ەسٸل ٶزەنٸ مەن سارىبۇلاق باستاۋىنىڭ, مايبالىق ٶزەنٸنەن نۇر-ەسٸل ارناسىنا دەيٸنگٸ سۋ قايتارۋ كانالىنىڭ جاعاسىن بەكەمدەپ, ارناسىن تەرەڭدەتۋ جۇمىستارى جالعاسۋدا», - دەدٸ ەرلان سىزدىقوۆ.
